Սուրբ Երկիր։ Ըստ Երուսաղէմի Թուալ Պատրիարքին` Արաբական Գարունը Դարձաւ Աշուն ու Ապա
Ձմեռ։
Սուրբ Երկրի՝ Երուսաղէմի Լատիններու Պատրիարքը ֆուատ Թուալ, Միջին Արեւելքի Սիւնոտոսի
առաջին տարեդարձին առթիւ, (Սիւնոդոսը տեղի ունեցած էր 2010-ի՝ 10-24 հոկտեմբեր) յայտարարած
է թէ ՝ <<Արաբական Գարունը ժամանակի ընթացքին դարձած է աշուն ու ապա ձմեռ։ Առաջին
ժամանակաշրջանին, ըսած է Թուալ պատրիարքը, կրօնամալութիւն կամ քաղաքական խտրականութիւններ
չկային. կարիքնաբուխ եւ բարի նպատակ ունեցող մղում մը։ Ապա այլ զօրքեր միջամտեցին ու
այս պայքարի պտուղները ուզեցին սեփականացնել>>։ Թուալ պատրիարքը ապա աւելցուցած է
ըսելով. <<չենք գիտեր դէպի ուր կ՛երթանք։ Մեր դիմաց մեծ վտանգ կայ ու կարելի չէ ժխտել
այս իրողութիւնը։ Յոյսով ենք որ միջազգային հասարակութիւնը աշխատի համայն քաղաքացիներու
բարիքին ի նպաստ, ըլլան անոնք քրիստոնեայ, տուրզի, հրեայ կամ մահմետական։ Ապա ակնարկելով
հրեայ զինուոր Ժիլատ Շաէիտի ազատ արձակուելու լուրին մասին, Թուալ Պատրիարքը ըսած է
որ եկեղեցին միշտ համաձայն է որ երկխօսութիւն հաստատուի իսրայելցիներու եւ պաղեստինցիներու
միջեւ,եւ յոյս յայտնած է որ դրական ուրիշ քայլեր եւս առնուին եւ արձանագրուին այս ուղղութեամբ։